ცხადია, როგორც მოქალაქეები, კანონს უნდა ვემორჩილებოდეთ, მაგრამ დრაკონული კანონები დაუმორჩილებლობის გრძნობას ისე აღვივებს, როგორც ქარი მინავლულ კოცონს. სწორედ დაუმორჩილებლობის გრძნობა გვაიძულებს არ შეველიოთ და ჩვენი ჟურნალი აწ უკვე აღებული ჯიხურებიდან გავავრცელოთ მაინც.
ვინ ვარ მე და რატომ შევქმენი ეს ჟურნალი?
მე, ვირტუალურად Sh@ko, რეალურად – შალვა, წარსულში მონღოლივით მომთაბარე ბლოგერობას ვეწეოდი, ანუ, შევდიოდი სხვადასხვა ბლოგზე და ვრცელი კომენტარებით ვხუნძლავდი. საკუთარი ბლოგი არ მქონია, რადგან ისეთი დაუდევარი ვარ, მაინც არ ვიმსახურებ... ჟურნალის დაბეჭდვის დღესაც ისეთი დაუდევრობა გამოვიჩინე, ლოჯისტიკის უფასო კურსების ჩატარებას შემომთავაზებდით.
ყველაფრის მიუხედავად, ყველაფერი რიგზეა და დაუდევრობისთვის სამსახურიდან არავის გაშვება არ მომიწევს. თუმცა, თუ ჩემსავით პირველად უკანა გვერდებს კითხულობთ, მიხვდებოდით, ვერავის გავათავისუფლებდი... რადგან ლოჯისტიკაც და რედაქტორიც მე ვარ.
ასეა თუ ისეა, იმედით შევეგებოთ ახალ წელს. ყველას გილოცავთ და გისურვებთ ბევრ გემრიელობებს. კეთილი დრაკონი ყოფილიყოს პრესისა და ჩვენ ყველას წარმატებების თილისმა!
No comments:
Post a Comment