უკანასკნელი იმპერატორი (მე-10 სერია)

სადღაც ერთი დაგრეხილი ჩიტი ცხოვრობდა... ისე იგრიხებოდა, ავატარზე თვალები ზურგზე გაურბოდა... ხანდახან ფეხი ეკეცებოდა და ბალანი ცვიოდა, უფრო სწორად ბუმბული. ეს ჩიტი საგვარეულო იყო და იმპერატორებს შთამომავლობით გადაეცემოდა, ხოლო იმპერატორები კი ბებოებს აწველინებდნენ, რათა ვენესუელის მოსახლეობას ჩიტის რძე არ მოჰკლებოდათ. ვინაიდან  ბებოები სწრაფად ვერ დარბოდნენ და, მითუმეტეს, ვერც ფრინავდნენ, ქვეყანაში ჩიტის რძის დეფიციტი იყო ხოლმე. იმპერატორმა Sh@ko-მ ერთ-ერთ პრიორიტეტად დაგრეხილი ჩიტის მოშინაურება და მისთვის გალიის აშენება დაისახა.

იმპერატორმა ვენესუელის ჯადოსნურ ტყეებში ბევრი იარა, მაგრამ ჩიტის ასავალ-დასავალს ვერ მიაგნო. ბედად, მდელოზე ყვავილებით მორთულ  შუქნიშანთან დაჭედებული გვირილების გვირგვინიანი პოლიციელი შენიშნა, რომელმაც, მართალია, ჩიტისკენ მიმავალი გზა ვერა, მაგრამ სამი ჯადოქრის სახლის გზა კი მიასწავლა. ჯადოქრების: iato-ს, Sunny-სა და Chilli-ს სახლი სულ მათი წითური თმებივით იყო აბურდული. როგორც აღმოჩნდა, ჩიტი სულ თავიდან მათ დაგრიხეს და პირველ იმპერატორს უსახსოვრეს. მათ Sh@ko-ს ჩიტი აპოვნინეს და დაგრეხილი გალიის აშენებაშიც დაეხმარნენ, რადგან ჩიტი ჩვეულებრივი  გალიებიდან ადვილად იპარებოდა. ამის შემდეგ იმპერატორი თვითონ წველიდა ჩიტს და მოსახლეობასაც ჩიტის რძე არ აკლდა.

უკანასკნელი იმპერატორი (მე-11 სერია)

მელომანიის ოლქის გამგებელი სხვებისაგან სიმწვანით გამოირჩეოდა, რადგან ფერია იყო. იგი Red Hot Chilli Peppers-ის მე-5 გოგო-წევრიც იყო.  მისი სიმწვანე ისეთი უსაზღვრო იყო, რომ მხოლოდ სპეციალური განათებით გადაღებულ ფოტოებზე ჩანდა. ამის გამო ყველას ეგონა, რომ Red Hot Chilli Peppers მხოლოდ 4 წევრი მამაკაცისაგან შედგებოდა, რადგან სპეციალური განათება ჯერ არ იყო გამოგონებული. სახელად Greenie ერქვა და ჯგუფთან ერთად სურათებს მხოლოდ ის იღებდა თავისი ჯადოსნური ნიჭის წყალობით. მაგრამ რადგან თავმდაბალი იყო, ამის საქვეყნოდ აფიშირებას ერიდებოდა, თუმცა ჯგუფის განვითარებისთვის თავს არ ზოგავდა.

გამგებლობის პერიოდში ბევრი რამ გააკეთა მუსიკის განვითარების სფეროში. ღვაწლმოსილი შრომისა და შემოქმედებისთვის დაიმსახურა კიდეც „მწვანე ალიანსის“ ხელმძღვანელობა და „დამსახურებული ტყის ელფის“ წოდება ვენესუელის მმართველისაგან. „მწვანე ალიანსმა“ სახელი უმოკლეს ხანში გაითქვა. მასში გასაწევრიანებლად სურვილი გამოთქვა თვით Peppers-ის ბას-გიტარისტმა Flea-მ.  იგი ვენესუელაშიც კი გადმოსახლდა. მართალია, მას პასპორტში Cotne-Flea ეწერა, მაგრამ ეს ეჭვს არ იწვევდა და Greenie სიამოვნებით ისმენდა Flea-სგან რჩევებს, ან ისე, უბრალოდ საუბრობდნენ ხოლმე.

უკანასკნელი იმპერატორი (მე-12 სერია)

ფარული მტრის გამოვლენაში Sh@ko-მ დახმარებისთვის Gvantsa-ს მიმართა, ქვეყნის საიდუმლო აგენტს. იგი მეტად მოხერხებული იყო და არცერთ საქმეში კვალს არ ტოვებდა. მისი დაჭერა კიდევ იმიტომ იყო შეუძლებელი, რომ ახალი საიდუმლო ენა გამოიგონა თავის დასთან, RUSO-სთან ერთად. დასთან ამ ენით ურთიერთობა იყო მისი ერთადერთი შეცდომა თავის დროზე, რადგან სწორედ მათი საუბრების გაშიფვრით ამოიცნო იმპერატორმა საიდუმლო აგენტი და შესთავაზა თანამშრომლობა, თორემ მანამ არც კი იცოდა აგენტი თუ იყო.

პარალელურად, იმპერატორი ძალ-ღონეს არ იშურებდა იმპერიის ახალ ლეველზე გადასაყვანად, რადგან მაცხოვრებლები გაიზარდნენ და ვენესუელა დაუპატარავდათ. მან წინასწარ შეიგულა სახელმწიფოს ძრავი კოდური სახელწოდებით phpBB 3, რომლისგანაც დაიწყო სახელმწიფოს ვენესუელურ გემოზე მორგება: შექმნა სახელწიფო ენა, ქვეყანას ფერები შეურჩია და მოქალაქეების დახმარებით, სახელმწიფოს გერბიც შექმნა, რომელიც, ყველა თუ არა, ვენესუელასთვის საყვარელი მომღერლების ლოგოებისგან შედგებოდა. მხოლოდ ვენესუელის ადგილზე დაყენებაღა იყო საჭირო, მაგრამ მოვლენები სხვაგვარად განვითარდა...

უკანასკნელი იმპერატორი (მე-7 სერია)

უხსოვარ დროში, სანამ Sh@ko იმპერატორად ეკურთხებოდა, მელომანიის ოლქი ყველაზე განვითარებული იყო მთელ ვენესუელაში (ოღონდ, ჩამაასხიეთის, იგივე სასიყვარულო ოლქის შემდეგ, სადაც ვენესუელის ელიტარული საზოგადოებდა ცხოვრობდა). ყველა ცნობილი მომღერალი აქ ცხოვრობდა და მოღვაწეობდა იმ ავბედით აპოკალიფსამდე და შემდეგ გადასახლდნენ იმ ადგილებში, რაც იციან ფანებმა, მაგრამ მე და შენ ხომ ვიცით სინამდვილეში როგორც იყო?!

იმ უხსოვარ დროშივე მელომანიის ოლქს თავისი არქიტექტორი ჰყავდა - Gud-zeppelin, რომელსაც უამრავი მომღერლის სახლი ჰქონდა აგებული და ამ სახლებში ყოველთვის სასურველი სტუმარი იყო. ჭორები დადიოდა, რომ ჯგუფ "პინკ ფლოიდის" სახლის აგებისას შეუყვარდა David Gilmour-ს მზეთუნახავი არქიტექტორი და ცოლადაც მოიყვანა. ისინი აპოკალიფსამდე ბედნიერად ცხოვრობდნენ ვენესუელას მელომანიის ოლქში.

ყველა ხელოვანს უმძიმს მის ქმნილებებთან განშორება, მაგრამ Gud_zeppelin-ისთვის ორმაგად მძიმე იყო მიწისძვრის შედეგად "პინკ ფლოიდის", და არამარტო, სახლების განადგურება. გარდა იმისა რომ ულამაზესი სახლები აღიგავა პირისგან მიწისა, David-ი თავის ჯგუფთან ერთად გადავიდა თავის "ამჟამინდელ ქვეყანაში" საცხოვრებლად და მოღვაწეობის გასაგრძელებლად. გუდამ მასთან წასვლა ვერ მოახერხა და საშინელი კაეშანი შემოაწვა. მაგრამ იგი მხიარული გოგო იყო და მალე გამოუკეთდა ხასიათი. მისი ღიმილის მზესაც კი შურდა.

უკანასკნელი იმპერატორი (მე-8 სერია)

„დუმილი ოქროა, ლაპარაკი კი - ვერცხლი“  - ამ პრინციპით ცხოვრობდა ვენესუელის მმართველი. ეს ინაუგურაციისას პრესკონფერენციაზეც თქვა, რაზეც თვალები ეშმაკურად აუციმციმდა ერთ-ერთ ჟურნალისტსა და ჩამაასხიეთის ოლქის გუბერნატორ Ketunebii-ს. მან შესთავაზა მმართველს, რომ „აალაპარაკებდა“, მხოლოდ თავის ქალას ახდიდა და მალევე დაახურებდა. Sh@ko, რათქმაუნდა, მურჰუნის თვალით უყურებდა ამ ყველაფერს, მაგრამ Ketunebii-ს მომაჯადოებელ თხოვნას უარი ვერ უთხრა და თავი შეუშვირა.

თავის ქალის ახდიდან დახურვამდე რა ხდებოდა, მმართველს არ ახსოვს, მაგრამ თვალები გაახილა თუ არა, მის გარშემო შეკრებილი ცნობისმოყვარეთა ჯგუფიდან ერთ-ერთი პირველი Anarxialevan-ი დაინახა. Anarxialevan-ი Ketunebiis ქმარუკა იყო. როცა Ketunebii-ს ესაუბრებოდა, თბილი და საყვარელი იყო, მოფერებით პიტაჩოკსაც კი ეძახდა. აი, როცა საერთოდ ლაპარაკობდა, ცენზურაში, ცოტა არ იყოს, მოიკოჭლებდა. გასაკვირი არც იყო, რადგან ის Datka-ს მეგობარი იყო და ყველაფერში მხარს უბამდა. ერთად ილაშქრებდნენ ტოკიო ჰოტელის ბანდფორმირებების წინააღმდეგ და ერთადაც იშიფრებოდნენ ცენზორ-ფილტრატორის მიერ უხამსი სიტყვების ხმარების დროს.